Crvena Zvezda cilësohet nga të gjithë si favorite në duelin kundër Tiranës, por në radhët e skuadrës serbe shkohet deri aty sa ekziston bindja se diferenca mes dy ekipeve është shumë e thellë. Kjo kuptohet më mirë nga fjalët e drejtorit të klubit, Zvezdan Terziç, i cili shfaqet në një viudeo duke treguar bindjen e tij se ekipi duhet të dalë nga fusha me një rezultat të thellë.
Në stërvitjen e soitme në “Air Albania”, në një video të publikuar në rrjetet sociale, shfaqen lojtarët e Crvena Zvezdës teksa hyjnë të inspektojnë impiantin kryeqytetas ku do të luhet ndeshja. Katër futbollistë po ecnin mes fotove histirke të kombëtares shqiptare, ndërsa duke dalë në fushë, para tyre shfaqet Zvezdan Terzicc i cili u përpoq t’i motivonte me nëj “kërcënim”.
“Nëse nuk u rrasni katër, mos më flisni më”, ishin fjalët e tij ndaj futbollustëve Borjan, Pankov, Vuliç dhe Gajiç të cilët po dilnin në fushë dhe që vazhduan me buzëqeshje vizitën e tyre.
Terziç është një personazh shumë problematik në futbollin serb, ku ka qenë për një periudhë kohe edhe president i Federatës Serbe. Para se të fillonte detyrën si drejtor ekzekutiv te Crvena Zvezda, ai ishte në rolin e drejtuesit të OFK Beograd, periudhë për të cilën u akuzua se kishte tjetërsuar fonde të transferimeve të lojtarëve të rëndësishëm mes të cilave edhe Branislav Ivanoviç. Ai bëri disa muaj burg në Serbi pas një vit e gjysëm në arrati, ndërsa u lirua vetëm pasi pagoi 1 milion euro.
