Ka startuar në orën 20:00, në “Air Albania”, përballja mes Tiranës dhe Crvena Zvezdës e vlefshme për raundin e dytë të Ligës së Kampionëve.
Për shkak të masave të Covid-19, ndeshja luhet pa tifoz dhe të vetmit të pranishëm në stadium janë gazetarët dhe stafet teknike.
Por kjo nuk e penguar ish-deputetin e opozitës, Edi Paloka që të gjejë një zgjidhje tejet origjinale për të mos munguar në ndeshje.
Në fotot e dërguara nga gazetari i Tirananews, vihet re se Paloka ka hyrë në ‘Air Albania’ me letërnjoftimin (badge) e “Syri Televizion”, duke siguruar një ‘biletë’ për të parë qetësisht ndeshjen mes Tiranës dhe Crvena Zvezdës.
