Kreu i grupit Parlamentar të Partisë Socialiste, Taulant Balla deklaroi sot se Partia Socialiste mbetet gjithmonë në krahun e duhur të historisë.
Balla publikoi një video ku ai kujton kohën kur, “Ilir Meta mbronte marrëveshjen anti-kushtetuese të Lulëzim Bashës për detin dhe akuzonte per ekstremizem kundershtarët e marrëveshjes”.
“Në tetor të 2009, ishte Partia Socialiste, e cila i kërkoi Gjykatës Kushtetuese rrëzimin e marrëveshjes si antikombëtare”, theksoi Balla.
“Berisha, Meta dhe Basha ishin avokatët e asaj Marrëveshje. Ajo Marrëveshje u rrëzua!”, nënvizoi Balla.
“Partia Socialiste mbetet gjithmonë në krahun e duhur të historisë”, u shpreh ai.
Pas publikimit të kësaj videojë reagoi Tedi Blushi, zëdhënësi i Presidentit të Republikës.
“Presidenti Meta është shprehur se ai do të respektojë vetëm Kushtetutën dhe vendimet e Gjykatës Kushtetuese për çështjen në fjalë”, tha ai.
https://www.facebook.com/watch/?t=0&v=236680944261456