Një histori e rrallë dhe frymëzuese. Të dy u larguan dhe u martuan pa miratimin e prindërve ndërsa sot shijojnë 79 vite të martesës së tyre duke arritur të dy një moshë shumë të madhe.
Flasim për historinë e dashurisë së Julio Mora dhe Waldramina Quinteros të cilët janë ende bashkë, ai 110 vjec dhe ajo 104.
Të dy të kthjellët dhe të dy me shëndet të mirë, megjithëse të afërmit thonë se janë pak në depresion sepse u mungon takimi i familjes së tyre të madhe për shkak të pandemisë.
Ka martesa më të gjata, por për momentin askush tjetër nuk renditet midis këtyre dy njerëzve kaq të vjetër, sipas Rekordeve Botërore të Guinness – sepse së bashkuar mosha e kombinuar e tyre është 215 vjet.
Mora lindi në 10 mars 1910 dhe Quinteros më 16 tetor 1915. Ata u martuan në 7 shkurt 1941, në kishën e parë të ndërtuar nga spanjollët në Quito.
Të dy mësuesit në pension jetojnë në kryeqytetin e Ekuadorit, Quito, ku në mes të gushtit ata morën certifikimin Guinness.
Vajza e tyre Cecilia thotë se ata janë të dy kthjellët dhe aktivë, megjithëse nuk kanë më gatishmërinë që kishin më parë.
Familja e tyre e madhe mund të përbëjë një turmë; katër fëmijë që ende jetojnë, 11 nipër e mbesa, 21 stërnipër e stërmbesa dhe një stër-stërnipër.
“Që nga marsi, ne nuk kemi pasur kontakt me ta” tha Cecilia. “Prindërit e mi kanë nevojë për kontakt familjar”.
Ajo tha se babai i saj pëlqen të shikojë televizion dhe të pijë qumësht dhe se nëna e saj shijon ëmbëlsirat dhe pëlqen të lexojë gazetën çdo mëngjes.
Më parë të listuar si më të moshuarit ishin një çift i nga Austin, Texas, Charlotte Henderson dhe John Henderson të cilët kanë një moshë të përbashkët 212 vjet dhe 52 ditë.
