Kreu i shtetit Ilir Meta ka komentuar edhe çështjen e detit gjatë prononcimit për gazetarët nga Vlora. Ai tha se sjellja e tij do të jetë shtetërore dhe kushtetuese ndërkohë që kërkon të mos bëhen deklarata që mund të përdoren në dëm të Shqipërisë.
“Mendoj se sjellja ime ka qenë dhe do të jetë gjithmonë vetëm shtetërore, kushtetuese dhe tërësisht e përgjegjshme dhe i ftoj të gjithë të jenë të kujdesshëm në sjelljen e tyre, në mënyrë që qoftë dhe pa dashje mos të bëjnë deklarata që mund të përdoren në dëm të Shqipërisë nga kushdo”, tha ai.
