Sa herë në ditë është normale që të urinojmë? A të bën dëm nëse e mban? Nëse shkojmë në banjë edhe gjatë natës, a është kjo një shenjë që duhet të na shqetësojë?
Përgjigjen e gjeni duke lexuar artikullin e mëposhtëm.
Për specialistët, normalisht një i rritur urinon tre deri katër herë në ditë, po frekuenca varet gjithsesi nga disa faktorë.
Madje jo vetëm nga sa pi por edhe se çfarë pi. Kafja dhe alkooli janë nxitës të urinimit. Ndërkohë që ka edhe individë që janë të prekur nga sindroma e “qeskës hiperaktive”, karakterizuar nga kontraksione të pavullnetshme të qeskës së urinës, gjë që haset më së shumti ndër femra.
Sipas mjekëve, nëse pavarësisht seksit fillojmë të shkojmë shpesh në banjë për të urinuar, këshillohet të shkojmë tek doktori. Në radhë të parë për të përjashtuar ndonjë rast tumoral, por edhe shqetësime të tjera.
Ndërkohë që nuk këshillohet të mbahet urina, pasi në këtë rast, dëmtohet muskuli i qeskës urinare i cili fillon të humbasë tonusin e tij, dhe në këtë rast, e ka të vështirë ta rifitojë për një kohë të shkurtër.