Bëhet me dije se një 20-vjeçar shqiptar është plagosur me thikë dhe ndodhet në gjendje të rëndë për jetën. Ngjarja ka ndodhur në treni në Firenze, në momentin që mjeti po udhëtonte nga Santa Maria Novella. Por treni ndaloi në Rifredi për shkak të alarmit që dhanë pasagjerët.
“Është një djalë, është shumë keq e kanë plagosur me thikë,”– bërtitën ata në trend he gjithçka ndaloi.
Dy pasagjerë, të paidentifikuar, i ishin afruar shqiptarit dhe e kishin goditur me thikë. Shqiptari është 20 vjeç dhe rezulton të jetë një qytetar pa probleme dhe i rregullt në Itali.
Ai është dërguar në spital për të marrë ndihmën e nevojshme mjekësore, ndërkohë që autorët janë shpallur në kërkim.
Arsyet e sherrit që përfundoi në përdorimin e thikës, nuk dihen ende.