Majlinda Bregu, ish-deputete dhe ish-ministre në qeverinë Berisha lidhur me një ftesë direkte nga drejtuesit e PD-së, është shprehur se nuk pret ftesa nga askush për të qenë pjesë e familjes së saj politike, pasi është anëtare e PD-së.
Në një intervistë për DW, Bregu tha se shpreson që zgjedhjet e ardhshme të përmbushin të gjitha standardet.
“Jo, nuk kam ndonjë ftesë direkte dhe nuk kam se për çfarë të ftohem, se unë jam anëtare e Partisë Demokratike dhe nuk besoj se duhet që të të ftojë kush për të qenë pjesë e familjes.
E kam vendosur prej vitesh, nuk pres që të më thotë njeri për të qenë në Partinë Demokratike. Por, shpresoj shumë që zgjedhjet e vitit të ardhshëm të jenë zgjedhje, të cilat realisht të kenë mundësi të përmbushin gjithë standardet. Kaq për sot”, tha Bregu.