Ish-drejtuesi i i policisë së Shtetit Ilir Gjoçi, duke folur për ngjarjen e djeshme ku Preng Gjini ra viktimë e një atentati me eskploziv, ka thënë se autori nuk e ka kryer shpërthimin e djeshëm tek ish-parku i autobusëve me telefon, por me telekomandë, pra ka qenë një shpërthim i telekomanduar.
Kjo pasi në vendin ku ishte vendosur eksplozivi (400-500 gr C4) nuk u gjet asnjë kartë telefoni. Kështu, duke qenë me telekomandë, mendohet se autori ka qenë deri në 100 metra afër makinës që ka shpërthyer, pasi aq është rrezja e telekomandës.
Gjithashtu ai shtoi se ngjarje të tilla shpërthimesh me eksploziv janë më të vështirat për t’u zbardhur nga policia, pasi shpërthimi shkakton djegie dhe kjo gje eleminon provat.
Gjoçi: Autori nuk e ka shpërthyer me telefon, por me telekomandë. Duke qenë se ka qenë me telekomandë, autori mendohet se mund të ketë qenë afër makinës që ka shpërthyer. Ka dashur ta shijojë dhe vetë pamjen e tmerrshme. Për ne specialistët e policisë, atentatet me eksploziv janë ngjarjet më të vështira për t’u zbuluar. Pasi duke qenë se shpërthimi krijon dhe flakë, çdo gjë digjet bëhet shkrumb. Nuk ka shenja gishtash. Është vërtet e vështirë ta zbulosh. Por ne kemi shpresa pasi nga kamerat e sigurisë në ambientet rreth vendngjarjes.