Të shtëna me armë zjarri një Durrës, ndërkohë që deri më tani raportohet për dy të plagosur.
Ata janë dërguar në spitalin rajonal të Durrësit dhe njëri është më rëndë pasi ka marrë dëmtime në organet jetësore, ndërsa tjetri është plagosur në këmbë.
Edhe pse Policia është në terren, në një aksion për kapjen e të shumëkërkuarve, sërish kjo nuk e ka trembur krimin, i cili ka goditur sërish sonte.
Durrës/Informacion paraprak
Më datë 18.09.2020, rreth orës 20:00, në lagjen nr.13. Durrës, pas një konflikti të çastit me mjete të forta e më pas me armë zjarri midis disa personave, janë plagosur me armë zjarr shtetasit A.B., dhe E.Gj., të cilët ndodhen në spital nën kujdesin e mjekëve, jashtë rrezikut për jetën.
Falë reagimit të menjëhershëm të Policisë, janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit.
Grupi hetimor ndodhet në vendngjarje dhe po punon për zbardhjen e ngjarjes.