Arturo Vidal ka zbarkuar sot në Milano, qytet i cili do të kthehet në strehën e tij të re, pasi ai do t’i bashkohet Interit. Një transferim që përforcon zikaltërit dhe që dobëson Barcelonën, siç nuk ka ngurruar ta shprehë publikisht Lionel Mesi me një postim në rrjetet sociale.
“Të njihja vetëm si kundërshtar dhe gjithmonë më dukeshe si fenomen, por më pas pata fatin që të të njihja personalisht dhe më çudite edhe më shumë. Ishin dy vite ku ndamë shumë gjëta dhe re në sy shumë. Do të na mungosh në dhomat e zhveshjeve, të uroj të gjithë të mirat në këtë etapë të re në klubin tënd të ri. Jam i sigurt që rrugët tona do të kryqëzohen përsëri”, ishin fjalët e Mesit në postimin e tij në Instagram.
Një mesazh i rrallë nga argjentinasi, që tregon edhe një here pakënaqësinë e tij me klubin i cili po largon disa nga ata të cilët “Pleshti” i cilësonte si elementë që mund të ndihmonin skuadrën katalanase.