Një ngjarje e rëndë ka ndodhur në Indi ku një burrë i ka prerë barkun me drapër bashkëshortes shtatzënë. Familja e gruas tregoi për hetuesit se burri e sulmoi atë sepse donte të kontrollonte gjininë e foshnjës.
Incidenti dyshohet të ketë ndodhur të Shtunën në Bareilly, një qytet në veri të Indisë, kur 43-vjeçari i njohur si Pannalal sulmoi gruan e tij Anita Devi në shtëpinë e tyre, me një drapër pasi u tha se ishte shtatzënë me vajzën e gjashtë të çiftit, sipas Times of India.
Sipas policisë, Pannalal dëshironte një djalë dhe ishte përpjekur të bindte gruan e tij për të ndërprerë shtatzëninë, por ajo nuk pranoi. Pannalal kishte konsumuar një sasi të tepërt alkooli para incidentit.
“Kunati im shpesh e rrihte motrën time për lindjen e pesë vajzave. Prindërit tanë kishin ndërhyrë në disa raste. Por askush nuk e imagjinonte që ai do të ndërmerrte një hap kaq mizor ”, tha vëllai i Anita Devi, Ravi Kumar Singh për The Times of India.
Gruaja shtatzënë katër muajshe u dërgua në spital pasi gjendja e saj u përkeqësua dhe familja e saj nuk mund të përballonte tarifën e hyrjes në një spital privat, por foshnja ishte e padëmtuar.