Kamerat kanë kapur një të dyshuar për atentatin ndaj Preng Gjinit që tronditi një javë më parë Tiranën. Pikërisht për këtë rast sot është zhvilluar një takim mes drejtorit të policisë së Tiranës Rebani Jaupaj dhe prokurorisë së Tiranës.
Kamerat tregojnë një person të veshur me të zeza dhe me kapele.
Sipas News 24, dyshohet se personi është i afërm i familjes Reçi, me të cilat ka konflikt familja Gjini.
Kujtojmë se atentati ndaj tij vjen pas një seri vrasjesh dhe konfliktesh mes fiseve. Vëllai i 50-vjeçarit, Armando Gjini u vra një vit më parë në Rrëshen.
Lexo edhe- Cila është zanafilla e serialit të vrasjeve dhe viktimat nga Belgjika në Rrëshen
Bëhet me dije se Preng Gjini para se të vinte në vendin ku makina e tij do të hidhej në erë, ishte në zonën e njohur si “Zogu i Zi”.
Të njëjtat burime nga grupi hetimor bëjnë me dije se 50-vjeçari ka pirë një kafe me autorin e vendosjes së 300 gr C4 poshtë mjetit të tij brenda një qendre tregtare.
Pasi kanë konsumuar kafenë, të dy janë ndarë, ose të paktën kështu ka menduar Gjini. Autori e ka ndjekur nga pas që nga Zogu i Zi, mesa duket për ta parë me sytë e tij, që tritoli nuk do të “dështonte”.
Preng Gjini mbeti i plagosur rëndë mbrëmjen e sotme. Ai ra pre e një atentati me tritol, teksa udhëtonte me automjetin e llojit Mercedez Benz, të tipit “A Class”. Bashkë me të kanë mbetur edhe dy persona të tjerë të plagosur, të cilët ndodheshin rastësisht pranë mjetit kur ndodhi ngjarja.