Policia i kishte në vëzhgim pas dyshimeve se njëri prej tyre mbante drogë në çantë. Dhe pse efektivët i kanë bërë thirrje për të ndaluar, tre të rinj janë larguar por janë kapur më pas nga forcat e posaçme “Shigjetat”.
Sipas burimeve zyrtare gjatë kontrollit fizik të tre të rinjve që udhëtonin me një mjet tip “Volskvvagen”, u gjetën 88 doza me kanabis sativa.
NJOFTIMI I PLOTE
Tiranë
Forca e posaçme “Shigjetat” godet një tjetër rast të veprimtarisë kriminale në fushën e narkotikëve.
Sekuestrohet lëndë narkotike kanabis, 1 automjet dhe 3 telefona celular.
Vihen në pranga 3 shtetas.
Në zbatim të Planit të Masave për parandalimin dhe goditjen e trafiqeve të paligjshme, evidentimin dhe prangosjen e personave që shpërndajnë lëndë narkotike, nga forca e posaçme “Shigjetat” u bë kapja dhe arrestimi në flagrancë i shtetasve:
- E. D., 20 vjeç, E. Ç., 25 vjeç dhe R. H., 24 vjeç, të tre banues në Tiranë.
Pas mbajtjes në vëzhgim të këtyre shtetasve dhe mbi bazën e dyshimit se në çantën që mbante shtetasi E. D., i shoqëruar nga shtetasi E. Ç., kishte lëndë narkotike, shërbimet e Policisë i kanë bërë thirrje për të ndaluar, por këta shtetas nuk i janë bindur urdhrit të punonjësve të Policisë dhe kanë tentuar të largohen me një mjet tip “Volksëagen” me drejtues R. H., por janë kapur dhe ndaluar nga forca e posaçme “Shigjetat”.
Gjatë kontrollit fizik të tyre dhe kontrollit në automjet, Policia gjeti dhe sekuestroi në cilësinë e provës materiale 88 doza me lëndë të dyshuar narkotike cannabis sativa.
Në përfundim të veprimeve, nga specialistët për Hetimin e Narkotikëve u bë arrestimi në flagrancë i shtetasve E. D., E. Ç. dhe R. H. dhe materialet iu referuan për veprime të mëtejshme, Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike” e kryer në bashkëpunim.