Për dy ditë hyjmë në muajin tetor, por të huajt nuk duan t’ia dinë për kohën, pasi mesa duket e adhurojnë plazhin në Shqipëri. Mëngjesin e sotëm, disa turistë bjellorusë janë parë teksa janë larë në plazhin e Vlorës, edhe pse moti nuk ka qenë aq i ngrohtë.
Të veshur me bikini, tre bjellorusët kanë sfiduar kohën dhe janë zhytur, duke u argëtuar me njëri-tjetrin. Për ta, ndryshimi i kushteve klimaterike nuk përbën aspak problem.
