Një apel për qytetarët dhe turistët që duan të lëvizin në aksin Bajram Curri-Valbonë është bërë nga Policia e Kukësit që ta shmangin këtë rrugë.
Policia informon me anë të një njoftimi për mediat se për shkak të reshjeve të shiut, gjatë mbrëmjes, aksi rrugor Bajram Curri-Valbonë është e bllokuar nga rënie e gurëve e për këtë arsye u bëhet thirrje qytetareve apo turistëve që ndodhen në Tropojë, të shmangin lëvizjen në këtë segment rrugor deri në një njoftim të dytë.
“Për çdo problem qytetarët që ndodhen në këtë akse të telefonojnë në numrin 129 për t’ju ardhur në ndihmë”, apelon policia. Sakaq, autoritetet dhe firma kontraktuese po punon për hapjen e rrugës.