Policia lokale ka zbardhur ngjarjen e ndodhur në mesditë e sotme në minierat e kromit, në Zonën D Bulqizë. Sipas autoriteteve minatori 58 vjecar Allaman Allushi nga fshati Klos Katund i Matit po punonte në frontin e punës kur një masiv shkëmbor e ka zënë poshtë duke i shkaktuar vdekjen e menjëhershme. Kolegët dhe stafi drejtues nuk kanë pasur asnjë mundësi për ta parandaluar ngjarjen apo për t’i ardhur në ndihmë Allushit.
Sakaq në orët e pasdites Policia njoftoi se një tjetër ngjarje ka tronditur qytetin e minatorëve. Në minierën kryesore të Bulqizës mbetën të plagosur gjatë punës shtetasit B.M, dhe B.GJ. Ata u dërguan shpejt në urgjencën e spitalit bashkiak dhe aktualisht ndodhen jashtë rrezikut për jetën.
Policia, Prokuroria e RISHM-i kanë kanë nisur hetimet për zbardhjen e tri ngjarjeve të rëndë.