Ministria e Infrastrukturës dhe Energjisë ka shtyrë me një muaj afatin për dorëzimin e ofertave të kompanive që kanë interes për të ndërtuar segmentin 115 kilometra të gjatë të autostradës Milot-Fier.
Gara për rehabilitimin e aksit ekzistues nga Lushnja në Fier dhe ndërtimit të 53 kilometrave rrugë të re Milotë–Lekaj u hap më 9 Korrik, ndërsa ishte lënë si afat dhënia e ofertave brenda datës 28 Shtator.
Qeveria vendosi shtyrjen edhe me 30 ditë të tjera të procesit të prokurimit, pas kërkesës së operatorëve ekonomikë se i nevojitej më shumë kohë për të bërë plotësimin e dokumentacionit.
Paralelisht me ndërtimin e aksit të ri, i cili do të jetë i kategorisë së një rruge me shpejtësi të lartë, do të ndërtohen edhe rrugë dytësore për automjetet që do të zgjedhin të udhëtojnë pa pagesë.