Petros u intubua para 25-vjetorit të tij. Pavarësisht se në një moshë shumë të re, nga njëri moment në tjetrin ai e gjeti veten duke marrë trajtim intensiv në spital ndonëse nuk kishte sëmundje të tjera bashkëshoqëruese.Duke folur për SKAI, i riu u dërgon mesazhin e tij atyre që vënë në dyshim se Covid-19 mund t’u rrezikojë jetën.
“Unë kisha temperaturë mbi 40, dhe nuk binte. Në të vërtetë nuk kam pasur sëmundje, në përgjithësi jam shumë atletik, pothuajse nuk sëmurem kurrë, nuk përdor ilaçe, në përgjithësi jeta ime është shumë e shëndetshme. Askush nuk priste që unë të përfundoja kështu,” shkruan ai.
Ai tregon se në spital e dërguan me helikopter. Siç pohon ai, e kuptoi se çfarë po i ndodhte dhe përvoja në njësinë e kujdesit intensiv ishte e vështirë. “ Ju jeni vetëm, nuk keni asnjë komunikim me njerëzit tuaj. Nuk e dija nëse ata e dinin për mua, në fund mjekët më thanë se i informonin çdo ditë. Ju nuk keni një celular, nuk keni asnjë komunikim me asnjë nga njerëzit tuaj. E vetmja gjë që mund të bëhet është që njerëzit tuaj të mësojnë për gjendjen tuaj përmes mjekëve “, shton ai.
Tani ai po trajtohet në një repart të thjeshtë, por ka vështirësi në këmbë, madje e ka të vështirë të flasë pasi ndihet i lodhur.