Komisioneri i BE-së për Fqinjësinë dhe Zgjerimin, Olivér Várhelyi po zhvillon një vizitë në Tiranë, ndërsa mbajti një fjalim në parlamentin shqiptar. Deputeti Myslym Murrizi kishte një këshillë për zyrtarin e lartë të Brukselit.
“Një këshillë për Oliverin, është që mos dëgjoni vetëm hallexhinjtë e politikës, por dëgjoni se çfarë thonë shqiptarët, që halli i hallexhinjve të politikës ka bërë që të ikin dhe të shpërndahen në 200 shtete si zogj korbi.
I nderuar zoti Oliver, emrin e paske si ai që kam qenë unë tifoz i çmendur, portieri i Gjermanisë. Sa për suksesin e 5 qershorit, unë nuk e kam kuptuar se kush është baba ligjor.Nëse është ndonjë burrë i mirë do ta vlerësoj, por 5 qershorit nuk po i del asnjë zot, por e quajnë si fëmijë të braktisur në brefotrof. Ne kemi hallin e demokracisë, ju keni hallin e stabilitetit” tha ai.
Ndërkohë që Taulant Balla me batutë iu përgjigj “Myslym vetëm nëna dihet, babai nuk dihet, kështu që nuk po hyj në këtë diskutim”.