Hermes Nikaj, i njohur si Zogu i Tiranës prej 5 muajsh vuante dënimin “arrest shtëpie” pasi ishte arrestuar për prostitucion.
Mirëpo mësohet se Nikaj është paraqitur në Prokurorinë e qytetit të cilët e kanë njoftuar atë se hetimet kanë përfunduar.
Ndërkohë përfaqësuesit ligjorë të tij do të kërkojnë rivlerësimin e masës së sigurisë dhe kthimin e asaj në “detyrim paraqitje”.
Hermes Nikaj u arrestua më 24 nëntor të vitit të kaluar, për shfrytëzim prostitucioni. Ai u lirua nga qelitë e paraburgimit muaj më parë nëpërmjet një garancie pasurore dhe vazhdon të jetë në ‘arrest shtëpie’.
Rrjetin e zbërtheu dëshmia e një vajze që shfrytëzohej nga Zogu i Tiranës për prostitucion, ku ky i fundit merrte edhe pjesën e tij të fitimit. Pjesë e rrjetit dyshohet të jetë edhe pronarja e një qendre estetike, Anjeza Bena, e cila në këtë fazë hetimore është në masë arresti shtëpiak. Hetimet për këtë çështje nuk kanë përfunduar. Pak javë më parë u thirr sërish në Polici Hermes Nikaj, ku dha një dëshmi.