Kryedemokrati Basha i kërkon kryeministrit Rama zbatimin e planit prej 5 pikash të bërë publik prej tij dhe jo të merret me lapsuset e tij.
“Ishte marrë me lapsusin tim. Herë tjetër kur të bëj lapsus do të nxjerr unë i pari që të mos ketë kohë të merret me këtë po të merret me punën e tij. Ato lapsuset e mia nuk i kushtojnë asgjë shqiptarëve, asnjë lekë asnjë qindarkë, ajo që i kushton shqiptarëve është e vërteta. Ajo 6 në 4 është 6 në 10, shifra e Bankës Botërore po kujt t’ia thuash”, tha Basha.
Ai shtoi se Rama duhet të zgjidhë qesen dhe tu japë lekët shqiptarëve, e mos të përdorë hapësirën mediatike për “gomarrllëqe”.
“Ja pra që i dëgjoka fjalët e mia, po jo për t’u ardhur në ndihmë shqiptarëve, jo për të zgjidhur qesen e për tu dhënë lekët shqiptarëve, po të përdorë hapësirën mediatike për gomarrlliqe të tilla. Ka cinizmin kriminal mos t’i përgjigjet as kërkesave më elementare dhe më të justifkuara për tu ardhur në ndihmë atyre. Ndaj meqë më dëgjon për të kapur lapsuse tek unë, i bëj thirrje të zbatojë planin me 5 pika, ndryshe do të mbajë përgjegjësi penale për çdo jetë që humbim për shkak të braktisjes së kujdesit shëndetësor”, tha ai.
