Disa vajza janë bërë “molla e sherrit” të një shqiptari me disa italianë në një restorant Milano. Sipas mediave italiane, një qortim i bërë nga një klient i restorantit një klienti tjetër pasi po ngacmonte disa vajza është fillimi i një sherri që përfundoi me të shtëna armësh.
Ngjarja ka ndodhur në 5 korrik të kësaj vere, ndërkohë që arrestimi i shqiptarit është bërë i mundur në 24 korrik pasi u kap pas një ndjekje të policisë në Barazante. Hetuesit arritën ta gjenin shqiptarin nëpërmjet kamerave të policisë dhe dëshmive të personave afër vendit të ngjarjes.
Vilson M. pas kësaj zënke rezultoi që ishte i përfshirë edhe në rrjetin e trafikut të drogës. Gjatë kontrollit në autostradë karabinierët i gjetën atij edhe 200 gramë kokainë me vete si dhe armën tip “Beretta” me kalibër 7.65, që e kishte vjedhur në provincën e Piacenza.