Dioqeza e Rrëshenit bëri me dije se ka vendosur që nga nesër të dhurojë maska për njerëzit në nevojë, pra për qytetarët që nuk kanë mundësi t’i blejnë ato. Në Rrëshen dhe në qytetin e Burrelit janë caktuar pikat ku mund të gjenden këto mjete mbrojtëse ndaj Covid-19. Sipas përfaqësuesve të Dioqezës këto maska mund të lahen dhe të ripërdoren.
Njoftim i Dioqezës Rrëshen
Meqë nga nesër, 15 tetor 2020, për shkak të Covid – 19, është e detyrueshme vendosja e maskës për të gjithë, edhe në ambjente të hapura e duke e ditur që një pjesë e mirë e njerëzve në Dioqezën tonë të Rrëshenit janë të varfër, ne kemi vendosur në dispozicion një sasi maskash falas për personat në nevojë.
Ndërsa kush i ka mundësitë të rregullohet sipas mundësisë se tij e t’u lërë hapësirë nevojtarëve.
Nga nesër, ata që kanë nevojë, mund të dejtohen te zyrat e Karitasit pranë Katedrales së Rrëshenit dhe në ditët në vazhdim në famullite dhe bashkësitë e motrave në Dioqezë.
Gjithashtu në Burrel do të jetë një qendër ku në ditët në vijim do të gjenden maskat në dispozicion.
Maskat, përveç një numri të caktuar, do të jenë prej bezeje, dmth mund të lahen dhe të ripërdoren.
Mundësitë tona nuk i përmbushin ndoshta të gjithë nevojat, por ne po bëjmë sa mundemi.
Ju kërkojmë që të jeni të kujdesshëm dhe të lutemi për njëri-tjetrin.