Kryetari i opozitës, Lulzim Basha, mëngjesin e sotëm foli për PPP-të dhe koncensionet, ndërsa u shpreh se do ti nënshtrohen Ligjit Antimafia.
“Kush ka shkelur ligjin, do të dalë para drejtësisë”, tha Basha.
Kryedemokrati tha se është përgatitur paketa antimafia që synon sipas tij goditjen e korrupsionit
“Kemi përgatitur një paketë antimafia që synon goditjen e korrupsionit. Objekt verifikimi do të jenë të gjitha kontratat e PPP-ve, aktet për lejet e shfrytëzimit të pasurive publike. Ligji do të ketë fuqi prapavepruese. Risia nuk është thjesht që do të ndiqen penalisht.
Pavarësisht se janë në Maltë, Dubai, Singapor apo Hong Kong, kudo që të jenë këto agjenci do të bëjnë të mundur që paratë që i janë grabitur shqiptarëve do të gjurmohen dhe do të rikuperohen. Do të gjurmohen se ku janë çuar paratë, do të sekuestrohen dhe do t’i rikthehen qytetarëve. Ne jemi në komunikim edhe me partnerë strategjik që bëjnë të mundur që paratë e grabitura të rikuperohen”, tha Basha.