Naftëtaret greviste janë në ditën e nëntë të grevës së tyre ndërsa sot janë dërguar në spital dy prej tyre për shkak të gjendjes së rënduar shëndetësore.
Ato janë shprehur se kërkojnë një zgjidhje nga qeveria dhe tu dërgojë një grup negociator, teksa shprehet se pagat i kanë fituar me gjyq por nuk kanë marrë asnjë lekë.
Nuk ka vonuar as përgjigja e kryeministrit Rama i cili në një postim në Twitter thotë se nuk ka negociata me presione e ultimatume por duhet të dalin nga greva menjëherë.
“Unë jo vetëm nuk po hesht por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë:Dilni nga greva dhe do vij unë vetë tek ju menjëherë”, shkruan Rama.