Ditën e djeshme mediat greke raportuan se një shqiptar ishte shpallur në kërkim për vrasjen e një çifti të moshuarish në Chania, Kretë, pa bërë me dije identitetin e shqiptarit.
Por sot hetimet kanë marrë një tjetër rrjedhë pasi policia ka shpallur në kërkim një shtetas nga Bangladeshi për vrasjen e dyfishtë.
Mediat kanë zbardhur dëshminë e vajzës së 82-vjeçarit Alexandros Alexandrakisit, Marias. Maria e tronditur, përshkruan orët që ajo nuk dinte asgjë për babanë dhe kur pa njerkën të vrarë.
“Ata kishin një shtëpi të mirë në Chania. Kishin oborr, të cilin e ndanin së bashku me shtetasin nga Bangladeshi. Ky i fundit ishte me qira tek ta dhe sa duket i ka vrarë.
E di që njerka kishte mbledhur disa para dhe arsyeja pse ka kryer vrasjen e dyfishtë mund të jetë, për shkak të parave. Ai ka dashur t’ju vjedhë paratë. E vizitoja shpesh babanë dhe vjehrrën e ngjarja ishte për mua shokuese”, ka deklaruar Maria.
Vajza e çiftit tregon se babanë e tij e donte shumë dhe se ai kishte vuajtur shumë kohët e fundit, sepse ishte i sëmurë.