Gazetari Julian Kasapi ka publikuar në emisionin “Opinion” bisedën që ka bërë me një nga gratë shqiptare që jeton në kampin Al-Hol, emanuela Dacin.
Emanuela Daci është bashkëshortja e Almir Dacit, i vrarë në Siri, dhe dyshohet se është personi që punon me radikalizimin e vajzave dhe grave brenda kampit.
Në komunikimin me gazetarin ajo shprehet se nuk quhet Emanuela dhe se është robëreshë e Allahut.
Ndërkohë lidhur me rastin e Eva Dumanit, gazetari, tha se ajo ishte e frikësuar, ndaj nuk ka dashur të kthehet.
“Eva është mjaft e frikësuar, është e frikësuar nga ushtarët kurdë. Eva Dumani ishte vajza që më ka dalë mua dhe më ka çuar tek shqiptarët. Gjithë shqiptarët janë të frikësuar nga ushtarët kurdë”, u shpreh Kasapi.