Një aksident i rëndë ndodhi mbrëmjen e sotme te “Rruga e Elbasanit” në kryeqytet. Një automjet tip “Benz ML” përplasi një motoçikletë pranë kryqëzimit të Liceut Artistik. Report Tv ka siguruar pamjet e këtij aksidenti, ku siç duket i plagosuri ndodhet i shtrirë në rrugë. Në vendin e ngjarjes mbërriti një autoambulancë që ka bërë shoqërimin e të lënduarit drejt spitalit, ku mësohet se ndodhet në gjendje të rëndë.
Gjithashtu, automjeti tip “Mercedes Benz ML” ka pësuar dëmtime të shumta çka tregon se përplasja me motoçikletën ka qenë e fortë. Policia ka ndaluar drejtuesin e automjetit dhe po heton për shkaqet e këtij aksidenti.