Rrugët e Londrës janë mbushur nga qindra protestues kundër kufizimeve të Covid, ndërsa janë shënuar edhe përplasje me policinë. Efektivët u mblodhën mbrëmjen e sotme në Trafalgar Square, kundër izolimit të dytë ku është futur vendi, si dhe kundër ligjit për mbajtjen e masës.
Vëllai i deputetit britanik Jeremy Corbyn, Piers, 73 vjeç, qëndroi mes turmave me një megafon pavarësisht se u gjobit me 10,000 paund për pjesëmarrjen e tij në një tubim të mëparshëm.
Mes protestuesve ishin edhe aktivistë të “Million Mask March”, i njohur gjithashtu si “Operacioni Vendetta”, një protestë vjetore në të gjithë botën, e lidhur me grupin Anonymous, që ndodh çdo vit në Ditën e Guy Fawkes, 5 nëntor.
Katër demonstrues, njëri prej të cilëve mbante një maskë të Guy Fawkes, u arrestuan nga oficerët e policisë.
Efektivët i nxitën protestuesit të shkonin ndërsa bënin thirrje me megafon: “Jeni duke shkelur ligjin”.
Shumë prej demonstruesve mbanin pankarta ku shkruhej: “Nuk ka më izolim, jo më maska, nuk ka më gënjeshtra!”
Të pranishmit e tjerë filmuan oficerët, ndërsa bërtisnin ‘liri’ dhe ‘na riktheni vendin’.Ndërkohë sipas mediave vendase, protestuesit nuk u janë bindur urdhrave, ndërsa vijojnë të shtohen në ‘Oxford Street’.