Mjeku Gastro-Hepatolog Ilirjan Draçi është infektuar me COVID-19 dhe ndodhet i shtruar në spital. Mbrëmjen e djeshme ai ka publikuar një foto nga spitali ku po kurohet dhe bën thirrje për të treguar kujdes pasi një gabim i vogël mund t’iu marr jetën.
Draçi është njëherësh dhe drejtues i Qendrës Shëndetësore nr.1 në Tiranë. Në foto ai shfaqet duke marrë oksigjen, por në gjendje të stabilizuar.
“Vazhdon beteja teper e veshtire me virusin. Te gjithe kolege, infsanitare, miq dhe shoke,po bejne gjithcka per te me shpetuar jeten. Mbani maska, ruani distancen, lani duart. Nje gabim i vogel, ju kushton jeten. Beteja vazhdon…”, shkruan mjeku.
