Eksperti i shëndetit publik, Erion Dasho, ka dhënë një tjetër alarm, ku shprehet se me rritje e shifrave në këtë nivel, për pak ditë sistemi shëndetësor në vend do shkojë drejt kolapsit.
Ky është paralajmërimi i rradhës që bën eksperti i shëndetit publik Erion Dasho.
Sipas mjekut, “me një numër mesatar rastesh mbi 400 në ditë (416 për saktësi) nëntori ka shkaktuar mbushjen e shpejtë të shtretërve spitalorë. Mesatarja ditore e vdekjeve të raportuara ka arritur 6.3 ose 60% më tepër se mesatarja e tetorit. Nëse tendenca vazhdon e papenguar, për pak ditë rrezikohet kolapsi i plotë i sistemit!“
Reagimi i plotë i Erion Dashos:
Jeta në Shqipëri vazhdon sikur asgjë të mos jetë duke ndodhur. Deklaratat zyrtare se “gjithçka është nën kontroll” krijojnë një siguri të rreme e cila i hedh edhe më tepër benzinë zjarrit të epidemisë pasi “në se gjithçka është në kontroll, pse duhet të kujdesen qytetarët??!!”
Ministrja e shëndetësisë publikon statuse me gjyshë që fitojnë shikimin në sajë të një lenteje që blihet ca dhjetëra euro dhe harron gjyshët e tjerë për të cilët familjarët po shpenzojnë mijëra euro për ilaçe dhe oksigjen.Ndërkohë muaji nëntor ka hyrë i frikshëm!
Me një numër mesatar rastesh mbi 400 në ditë (416 për saktësi) nëntori ka shkaktuar mbushjen e shpejtë të shtretërve spitalorë. Mesatarja ditore e vdekjeve të raportuara ka arritur 6.3 ose 60% më tepër se mesatarja e tetorit. Nëse tendenca vazhdon e papenguar, për pak ditë rrezikohet kolapsi i plotë i sistemit!