Një aksident i rëndë ka ndodhur pasditen e sotme në Rrugën e Kombit në Pikën Kufitare të Morinës. Furgoni është përplasur me një kamion, dhe pjesa e tij e përparme është dëmtuar plotësisht.
Në asfalt, për disa minuta ishte i shtrirë një person i plagosur nga ky aksident, ndërsa tre persona të tjerë përpiqen t’i japin ndihmën e parë. Nuk dihet nëse përveç personit të shtrirë ka pasur edhe të tjerë të plagosur nga kjo përplasje, pasi Policia Rrugore nuk ka bërë asnjë njoftim zyrtar.