Kanë nisur sërish sot përplasjet mes të kryetarit të opozitës Lulzim Basha dhe kryeministrit Rama në rrjetet sociale.
Pasi Rama shkroi se opozita nuk i duhet popullit shqiptar pasi nuk bëhet bashkë me shumicën në një periudhë të vështirë, ka ardhur edhe reagimi i kreut të demokratëve.
Sipas Bashës, shëndetësia është në kolaps, ndërsa qytetarët nuk kanë para të blejnë ilaçet.
“Rama je një dështim i madh. Sa shqiptarë duhet të vdesin që të ndalësh sulmet politike dhe përpjekjet për të na mbyllur gojën? Po të më kishe dëgjuar që para 6 muajsh, do t’ju kishe dhënë ndihmë financiare familjeve shqiptare dhe sot do të kishe një plan real kundër pandemisë.
Askush nuk e përtyp propagandën tënde fallso. Shëndetësia është në kolaps, të sëmurët nuk kanë pará për të blerë barnat e shtrenjtuara dhe ekonomia është në krizë. Ne do ta shërojmë Shqipërinë, do ti korrigjojmë dështimet e tua dhe do të sjellim shpresë të re për njerëzit.”, shkruan Basha.