Bosi i Tesla, Elon Musk është përballur me një situatë të pazakontë teksa kishte dyshime se mund të ishte infektuar me COVID-19. Përmes një postimi në rrjetet sociale, ai ka zbuluar se nga 4 teste për COVID-19 ka marrë rezultate të ndryshme brenda ditës.
Sipas Musk nga katër testet që ka kryer, 2 i kanë dalë pozitive dhe 2 të tjerë negativë, ndërkohë që i janë kryer nga e njëjta infermiere dhe nga e njëjta kompani. Ai tregon se ka pasur një ftohje të lehtë, dhe kjo e ka shtyrë që të vendosë të testohet për Covid.
“Diçka jashtëzakonisht e rreme po ndodh. Sot u testova për kovid katër herë. Dy përgjigje më rezultuan negative dhe dy të tjera pozitive. E njëjta makinë, i njëjti test, e njëjta infermiere. Test i shpejtë i antigjenit nga BD”, shkruan Musk në postimin e tij në Twitter, që ka ndarë në mes dhe ndjekësit e tij, një pjesë e të cilëve e konsiderojnë një reagim të pavend, i cili mund të nzisë pasiguri.
Testet e antigjenit, për të cilat flet Musk, mund të kryhen shpejt pasi ato nuk kërkojnë një analizim laboratorik, dhe zakonisht po përdoren në zona të nxehta të rrezikut, siç kanë kampuset universitare apo shtëpitë e kujdesit.
Musk, prej kohësh është treguar skeptik ndaj COVID, dhe sipas disa prej ndjekësve, kjo që thotë se i ka ndodhur me testet mund të jetë thjesht një aludim.
Ndërkohë që në vijim Musk është shprehur se ndërsa përgjigjet e testeve mund të jenë false, paratë që këto kompani marrin nuk janë aspak të tilla. Musk ka akuzuar mjekët për fryrjen e numrave të personave të prekur me Covid, ndërkohë që vazhdimisht ka bërë parishikime për uljen e rasteve të të prekurve, të cilat duhet thënë se deri më tani nuk i kanë dalë.