Kryetarja e Lëvizjes Socialiste për Integrim, ka treguar se ka kryer një tjetër operacion. E pranishme në njësinë nr.1 në Tiranë, Kryemadhi tha se ka operuar dhëmballën këtë herë, duke falenderuar edhe stomatologun që kishte aty pranë.
“Tashmë kam operuar dhe dhëmballën, uroj që gjithçka të shkojë mirë Etjon. Shpresoj se nuk duket shumë që sapo jam operuar,”- shtoi Kryemadhi.
Kryemadhi vizitoi dhe takoi sot banorët e njësisë nr.1 në Tiranë. Ajo ftoi të gjithë socialistët e ish-scoialistët që t’i bashkoheshin LSI-së. Kryemadhi shtoi se me bindje është socialiste dhe se dëshiron që e ardhmja e të rinjve shqiptarë të jetë në vendin e tyre e që ata të mos i kenë sytë që të largohen.