Ish-ministrja e Integrimit, Majlinda Bregu ishte e ftuar mbrëmjen e djeshme në studion e “Kjo Javë”, ku ka folur për pasojat që ka lënë pandemia e koronavirusit në ekonomi, duke thënë se është një situatë e rënduar
“Ka një situatë, e cila nuk mund të bëhet më e mirë para vitit 2022. Shpresoj që të kemi mundësi të gjithë të bëjmë vaksinën, që t’i rikthehemi normalitetit të lëvizjes, se sa i takon ekonomisë, do duhet kohë për rimëkëmbje”, tha Bregu.
Mes të tjerash ajo është pyetur dhe për “Lëvizjen për Ndryshim” të ish kryeparlamentares Jozefina Topalli, ku e vlerësoi si një lëvizje në të mirë të demokracisë, ku qytetarët kanë më shumë alternative.
“Vazhdoj të besoj që nuk ka keq, përveç se ka mirë, demokracia e një vendi, nëse qytetarët do të kenë më shumë alternativa. Na intereson që Shqipëria të ketë zgjedhje të mira, se do jenë test për integrimin.
Shqipëria ka nevojë për lidership politik dhe që qytetarët të kenë rol në politikë, sepse kanë ndryshuar kohërat. Tani është kthyer ajo kur politikanët thonë se “është e mirë ajo që them unë”, është shprehur ajo.