Kryeministri Edi Rama është pyetur nga gazetarët lidhur me rastin e deputetit Ervin Bushati për të cilin SPAK ka nisur hetimet për fshehje pasurie.
Përgjigja e tij ka qenë se çdokush që futet në PS e di mjaft mirë që përgjegjësia është individuale dhe përgjigjet vetë.
“Vdeksha unë për Syrin, që qan hallin për Partinë Soicaliste. Ne kemi një ndryshim të madh nga partia e syrit e çdo parti tjetër, që ka vetëm hallin e syrit dhe faqes. PS-ja nuk është bërë dhe nuk bëhet asnjëherë mburojë e askujt. Qëllimi është i përbashkët, përgjegjësia individuale. Kjo dihet për këdo që futet në PS. Për çdo kapërcim mes vijës ndarëve për qëllim të përbashkët, secili përgjigjet vetë. Përsa i përket veshjej apo zhveshjes, kjo është një çështje që nuk i takon syrit, por familjes tonë politike. Na takon ne dhe e dimë ne se kur e bëjmë. Mos na qani hallin, sepse ju kemi si hidhër për syrin e keq”, është shprehur Rama.