Arjan Çani është një prej atyre personazheve të njohur që i kanë qëndruar besnik televizionit dhe ekranit në versionin tradicional të tij, që do të thotë se punën dhe famën në të nuk i ka ngatërruar me rrjetet sociale. Madje shpesh në daljet e tij televizive dëgjohet që të përdorë shprehen ”rrjetet sociale diarre”, edhe pse kohët e fundit është ”detyruar” të jetë i pranishëm në këto platforma, kryesisht me video dhe lajme nga emisioni ”Zonë e Lirë”.
Duket se Çani e ka marrë aq seriozisht të ecurën “me hapin e kohës” sa ka hapur edhe një profil në TikTok, platformën më të famshme të momentit. Por sigurisht, duke mos ditur se si ta përdorë si duhet, profili i moderatorit aty ishte shumë ”i varfër” në përmbajtje, të paktën deri dy ditë më parë. duke pasur vetëm këtë video të një vakti me sushi. Nuk kishte si të ndoshte ndryshe…
Megjithatë, ka qenë vajza e Çanit, Joana, që i ka thënë se duhet të fillojë të postojë video, në mënyrë që të ketë sa më shumë ndjekës dhe ai e ka marrë këshillën e vajzës, duke hedhur dy video që mund të themi se janë tipike video të tij. Ato janë të thjeshta në fakt, tek e para është Çani që përpiqet të thotë diçka për ndjekësit në TikTok dhe vajza e tij qesh me të madhe sa herë ai bëhet gati të flasë. Reagimi që çdo vajzë ka sa herë që baballarët përpiqen të postojnë ndonjë gjë në rrjetet sociale…
@ariancanitiktok ♬ son original – arjan cani