Në ditën kundër Dhunës dhe Shfrytëzimit të të Miturve kreu i shtetit Ilir Meta i ka bërë thirrje Kuvendit të miratojë projektligjin për regjistrin e të dënuarve për abuzime ndaj fëmijëve. Ai tha se është e patolerueshme që janë dënuar vetëm 44% e autorëve për krime seksuale.
“Dua të nxis kuvendin dhe deputetët që të miratojnë sa më shpejt projektligjin për regjistrin e të dënuarve për krime seksuale që Crca albania ka përgatitur si përgjigje ndaj parandalimeve të krimeve seksuale ndaj fëmijëve dhe adoleshentëve
Është e patolerueshme që vetëm 44% e autorëve të akuzuar për krime seksuale ndaj fëmijëvce janë dënuar me vendim të formës së prere. Kjo tregon se kemi një mospërputhje të konsiderueshme nga regjistrimi i rasteve të dhunës seksuale në polici, ndjekja penale nga prokuroria dhe dhënia e dënimit nga gjykata. Prandaj të gjitha strukturat duhet të intesifikojnë përpjekjet që synojnë parandalimin e abuzimit seksual duke ndërmarrë iniciativa me karakter ndërveprues dhe duke rritur në maksimum ndëshkueshmerinë”, tha Presidenti Ilir Meta.