Virologu i famshëm italian, Andrea Crisanti ka ngjallur polemika me deklaratën e fundit kur tha se nuk do ta bëjë vaksinën edhe nëse vjen në janar.
“Zakonisht duhen 5 deri në 8 vjet për të prodhuar një vaksinë. Për këtë arsye, pa të dhëna të disponueshme, unë nuk do ta bëja vaksinën e parë që do të vinte në janar, sepse do të doja të isha i sigurt se kjo vaksinë është testuar siç duhet dhe plotëson të gjitha kriteret e sigurisë dhe efikasitetit. Unë kam të drejtë si qytetar dhe nuk jam i gatshëm të pranoj.”- tha ai.