Shqiptarët e Lacios mund të marrin frymë të qetë, pasi eksperienca e tyre me COVID-19 më në fund është mbyllur .Pas Thomas Strakoshës, sot ka ardhur lajmi se edhe Igli Tare ka rezultuar negativ në tamponin e fundit dhe mund të kthehet qetësisht të bëjë punën e tij në zyrë.
Tare ishte infektuar para dy javësh dhe këtë e konfirmoi vetë presidenti Klaudio Lotito në një intervistë, ku bënte të ditur se drejtori sportiv ishte asimptomatik. Tamponët e djeshëm, e kanë nxjerrë Taren negativ, ashtu si Thomas Strakoshën i cili në në fund ka lënë karantinën pas një muaji shumë të turbullt.
Por dita e sotme nuk ka qenë plotësisht e lumtur për Thomas Strakoshën. Portieri kuqezi mund të kthehej në stërvitje, por trajneri Simone Inzagi ka bërë të qartë se ai nuk do të aktivizohej ndaj Krotones. “Sot u kthye edhe Strakosha, ndonëse nuk besoj se ia del për Krotonen”, tha trajneri para mediave, duke konfirmuar përsëri Pepe Reinën në portë.