Moderatorja e dashur për publikun, Nevina Shtylla, për të cilën para disa muajsh nisën të aludonin se ka bërë disa ndërhyrje plastike, tha për herë të parë të vërtetën në lidhje mekëto zëra.
Nevina theksoi se nuk ka kryer ndërhyrje dhe se ndihet mirë me trupin e saj, duke shuar kështu të gjitha aludimet në lidhje me këtë temë.
‘Unë nuk jam kundra ndërhyrjeve estetike e kirurgjikale. Ka persona që e kanë të domosdoshme këtë gjë dhe në momentin që ndikon në një vazhdimësi të mbarë të jetës le t’i bëjnë, për të mbuluar një defect që mund të kenë. Unë kam pasur trysni, edhe e kam menduar nëse do të doja të bëja ndonjë ndërhyrje apo jo.Unë normalisht ndihem mirë me veten time kështu si jam. Nëse do të doja që Zoti të më kishte bërë me një trup tjetër, do të kisha bërë ndryshime, por nuk është se e mendoj që jam aq keq apo ndihem keq me veten time sa që dua ta ndryshoj.’-tha ajo.