Një tjetër viktimë është shënuar nga Covid në vendin tonë këtë të hënë.
Basketbollisti nga Berati dhe arbitër i ndeshjeve të volejbollit,Petraq Gjogu, ka humbur jetën nga Covid në moshën 72 vjeccare.
Lajmi për ndarjen e tij nga jeta preku zemrat e gjithë dashamirësve të sportit beratas,që e kujtojnë atë me nostalgji. Gjogu ka qënë basketbollist i ekipit të Tomorrit deri në vitet ’99 dhe më pas ai u emërua gjyqtar i ndeshjeve të volejbollit në vend.
Në vitin 2001,Gjogu u emërua Kryegjyqtar i Kolegjit te Arbitrave për volejbollin në Berat. Pas lajmit për vdekjen e tij,ka qënë i menjëhershëm edhe reagimi i selisë së PD Berat,ku Gjogu ishte pjesë e strukturave të saj që pas viteve ’90. Kryetari i PD Berat,Gazmend Azizi,duke e cilësuar 72-vjeçarin Gjogu “demokrat të orëve të para”,i ka përcjellë familjes ngushëllimet e përzemërta.
Ndërkohë nga fillimi i pandemisë e deri më tani numri i viktimave nga Covid në vendin tonë është 798 persona.