Vrasja e shkencëtarit bërthamor iranian, Mohsen Fakhrizadeh, të premten ka rritur tensionet në rajon.
Sipas mediave të huaja, për vrasjen e shkencëtarit Irani ka fajësuar Izraelin. Ndërkohë në media thuhet se shefi i sigurisë në Iran, Ali Shamkhani ka thënë se gisht në këtë vrasje ka edhe grupimi i muxhahedinëve ‘Muhajedin-e-Kalq’, të cilët aktualisht janë strehuar Shqipëri.
Ndër të tjera ai ka shtuar se shërbimet e inteligjencës së Iranit e dinin se do ndodhte një goditje e tillë. Sipas mediave zyrtari i lartë ka shtuar se kanë prova se anëtarët e MEK janë përfshirë në këtë sulm, së bashku me shërbimin sekret izraelit Mossad. BBC shkruan se Fakhrizadeh u vra me një mitraloz të kontrolluar me telekomandë, që ishte lënë brenda një makine tjetër.