Për Nikolla Gruevskin, ish kryeministrin maqedonas që ndodhet në Hungari prej nëntorit të vitit të shkuar, Talat Xhaferri do të jetë president i ardhshëm i Maqedonisë së Veriut.
Në një intervistë për infomaks.mk, ai thotë se Talat Xhaferi do të ketë detyrën e nënshkrimit të gjithçkaje që nuk është nënshkruar deri më tani, dhe pastaj -thotë ai- çfarëdo që ndodh nuk është e rëndësishme.
“Mendoj se President i ardhshëm, të paktën për një kohë do të jetë Talat Xhaferi. Është e vështirë që mes datave 5 dhe 12 maj të përfundojnë të gjitha procedurat”, ka thënë Gruevski.
Duke shpjeguar procedurën për zgjedhjen e Presidentit, Gruevski tha se mandati i Ivanov përfundon në 12 maj, që do të thotë se nëse deri në këtë datë të gjitha procedurat nuk janë përfunduar nuk do të ketë një president.
“Nga përvoja ime, ka shumë të ngjarë që të paktën disa ditë ose ndoshta një javë, Talat Xhaferi si kryetar i Kuvendit do të kryejë rolin e presidentit të vendit”, është shprehur Gruevski.