Ministri i Brendshëm Sandër Lleshaj tha se rendi publik në Shqipëri është në nivelin më të mira historike në 30 vitet e fundit.
Lleshaj tha se përgjatë gjithë vitit 2020 ka patur vetëm 45 vrasje. Ndërkohë, i pyetur lidhur me problemet në qytetin e Elbasanit dhe deklaratat e Prokurorit të Përgjithshëm për veprimtarinë e grupeve kriminale në këtë qytet, Lleshaj tha se Elbasani është nën kontrollin e autoriteteve.
Pjesë nga intervista në Opinion:
Lleshaj: Për gjithë vitin 2020 janë 45 vrasje. Fenomeni nuk është në përmasa shqetësuese, kurrë nuk kemi patur një numër kaq të ulët. Rendi publik është në vlerat më të mira historike të 30 viteve të fundit.
Fevziu: Mbi ç’paramatera mbështetet?
Lleshaj: Ka disa indikatorë. Janë disa vepra penale të rëndësishme, që maten krahasohen. Nëse i shoim këto vepra kriminale jemi në nivelin më të ulët në historinë tonë.
Kemi 30% më pak vrasje se një vit më parë. Vrasje në familje 57% më pak se një vit më parë.
Fevziu: Prokurori i përgjithshëm quan që qyteti i tretë apo i katërt i vendit kontrollohet nga bandat?
Lleshaj: Pyesni prokurorin për këtë. Qyteti i Elbasnait është nën kontroll të autoriteteve, krimi është i marxhinalizuar.