Mediat në Shtetet e Bashkuara raportojnë se administrata në ikje e presidentit Donald Trump po tenton të mbajë nën kontroll televizionin dhe radion Zëri i Amerikës.
Sipas agjencisë amerikane NPR Michael Pack drejtor i Agjencisë Amerikane për Median globale, i emëruar nga presidenti Trump, kërkon të emërojë si drejtor të Zërit të Amerikës Robert Reillyin, me pikëpamje të hapura konservatore.
Në postin e drejtorit të VOA si i komanduar 6 e fundit ka shërbyer shqiptari Elez Biberaj i cili ka ndjekur një politikë editoriale, jashtë ndikimeve të kampit Trump. Për ti hapur rrugë emërimit të Robert Reilly, Michael Pack drejtor i Agjencisë për Median globale, prej të cilës varet VOA, ka informuar Elez Biberajn se përballë dorëheqjes apo daljes në pension ai të rikthehet në pozicionin e mëparshëm si drejtor për Euro-Azinë.
Media amerikane NPR thekson se Elez Biberaj gazetari veteran në Zërin e Amerikës u emërua nga vetë Pack si drejtor i komanduar i VOA dhe se ai mund të largohej në çdo kohë nga ky post.