As xixa, as bredha, as babagjysha e as temina. Madje as ngjyra klasike, e kuqja festive, nuk duket gjëkundi. Ama kjo e hirta me 2021 të ndarë më dysh, është ideja më brilante e thonjve të festës për këtë fundvit aspak të zakontë, që na ka lodhur e trembur sa s’thuhet, e që meriton ta përcjellim pa e kthyer kokën pas.
Ato katër numra të ndarë më dysh e përcjellin mesazhin më bukur se ç’do detaj tjetër festiv që mezi kemi pritur ta vendosim mbi thonj në çdo fundvit.