Prokuroria e Posaçme kundër Korrupsionit ka kopsitur dosjen dhe kërkon të vërë para gjykatës ish-kryetaren e Bashkisë së Gjirokastrës, Zamira Rami.
Kjo e fundit akuzohet për kryerjen e veprës penale “Shpërdorimi i detyrës”, parashikuar nga neni 248 i Kodit Penal.
Hetimet kanë zbuluar se Rami gjatë ushtrimit të funksioneve të saj, në lidhje me procedurat e ndjekura për lejen e ndërtimit dhe vazhdimin i punimeve për realizimin e dy projekteve në Gjirokastër, ka kryer veprime në kundërshtim me aktet ligjore në fuqi.
Kështu me urdhrin e saj janë prishur dy prona të ligjshme të shtetasve Dritan Sako dhe Teodorti Xhai dhe duke i shkaktuar atyre një dëm pasuror në vlerë 5 600 520 (pesëmilion e gjashtëqindmijë e pesëqind e njëzetë) lekë.